نشيد الوطن الاكبر
ـ محاكاة معكوسة باللهجة المصرية :

وطني حبيبي الوطن العربي
يوم ورا يوم هزايمه بتكثر
وانكساراته مليه حياته
وطني بيتجزأ و بيستعمر
وطني وطني
يا هادم مع الهادمين
يا قلعة للعبودية
وهازم للحريه
ياللي ربيعك حرق حقولنا وقرانا
وياللي ربيعك جوعنا وعرانا
ياللي جحيمك بين محيطين
من مراكش للبحرين
في ليبيا و مصر وسوريا
يا اللي حياتك دم و سفح
يا اللي غدك قتل و ذبح
وقوميتنا اللي بنحلم بيها
فين امجادهه وفين ناسهه
وفين وحدتنا الكبرى
و اقطارنا بتصغر ويا عقولنا
و مصانع و مدارس سنين نبنيها
بيوم واحد ينهد البنيان
بئس التغيير و بئس الثورة
اطفالنا داحو
ونساءنا بتشحذ
و رجالنا ماتوا
ثوار و حكام طيحين فينا
و العدا شمتانه بينا
وكل العالم على حماقتنا بيتفرج
وطني حبيبي الوطن العربي
شيعة وسنة عرب وكرد و بربر
بامان كانوا عيشين فيك
والساعه دي كلو بيقطع بعضه
على فين رايحين
وكل يوم خيبة و نكسة
نفطنا ما نفعناش
صار قنابل ورصاص
و براميل تنزل على الراس
في حمص وحلب و بانياس
و ثورة سوريا تعسرت ليه
لسه شوية مباني ولسه شوية زرع و ناس
عاوزنها بلاطة بلا زرع وبلا
ناس
والنفط كثير والناس بلا راس
اصل العربي الطيب
في الارض قبر بينداس
وطني وطني
مش وطني هو وطن الغربة و الافلاس
وطني و طني
خيبة ونكسة
و رشاوي و اختلاس
و وطننا بترابه وناسه
انباع للقتلة الاغراب و الانجاس
اللهم ده حالنا وانت شايف
غير حالنا لأحسن حال
و حالنا مش نافع مش حيتغير
وده ايمانه وده عملنا
وطني وطني
خيبة و نكسة
و بلادة و قلة احساس
كنا جدعان قوي
ودلوقت صين و هند اجدع ناس
واحنا بطلنا خلاص نتقدم وياريت وقفين مكانه
والذل شربناه كاس ورا كاس
وقالوا ده الربيع جيالكم
ده مطلعش ربيع ده خريف
اوراقه بتتساقط
و ياها راس ورا راس
وحالنا فوضى و هيصة
وحالنا لا الو ذيل ولا الو راس
فوضى و هيصة
وخيبة و نكسة
زهقنا يا ناس
وطني وطني