(( ثم خاينه عنيكى ليه ؟؟ ))
لما انتى بايعانى بسهوله
ابتديتى القصه ليه ؟
عيشتى قلبى دور بطوله
وفى النهايه غدرتى بيه
مش مصدق ان قلبى
عاش سنين مضحوك عليه
طب هكذب دمع عينك ؟
ولا غدرك ليا بيه
طب هكذب قلب عاشق
شوفت صورتى فى نور عنيه ؟
مش مصدق ان قلمى
الى عاش مادح لاسمك
انهارده راح هيكتب
(( ثم خاينه عنيكى ليه ؟؟ ))
فاكره لما عرفت حبك كنا لسه عيال صغار جوا حوش المدرسه
فاكره اقصى خلاف ما بينا انك عايزه (طب بشرى ) وانى عايز ( هندسه )
انهارده وصلتى حلمك وحلمى هو الى اتنسى
مهما تقسى يازهره شايفك لسه طفله فى مدرسه
يالا بينا يازهره نمحى
كل زكرى عشنا فيها
كل نظره
كل همسه
كل كلمه حب
بسمه
كل حلم ربطته بيكى
كل دمعه من عنياكى
كل طقم شوفته مش لايق عليكى
كل خوف فى صوت جنابك
لما اكون نازل مظاهره
كل حرف كتبتى ليكى
كل جمله فيها ( زهره )
قلبى هيكمل حياته وهو مش شايف عنيه
بس كل يوم هبكتب
(( ثم خاينه عنيكى ليه ؟؟ ))
بقلمى احمد ابوالمجد
2013-10-20, 04:41
