في حب البشرية

بطبيعتي أحب البشرية
وبدون ما أبص لجنسية
على شرط ما يرضاش بأذية
والناس كل الناس إخواني
كان مصري أو كان شئ تاني
لبلادي أو حتى جيراني

***
مش عايز أعرف ايه دينه
ولا حتى يهمني إيه لونه
ولا عايز أتشرف بسيادته
مش فارقه معايا لو حاعرف
لون قلبه أحق إنك توصف
أخلاقه هيا اللى تشرف

***
الوالد واحد الوالدة
يعني احنا كلنا عيلة واحدة
اهديني وأهديلك وردة
والعالم كله الأبناء
رجالة وأولاد ونساء
حبني وأحبك بسخاء