لبيه لبيه يا لبيه ناديني
انا احس إني مسمّى على شانك
تدرين كنت أعشق اسمي قبل تلقيني
والحين احبّه كثر ما هو على لسانك
في صوتك احساس يطربني ويغنيني
وفي بحتك لحن عمري عزف لـ ألحانك
ما كني الا معك قصه وصغتيني
أعيشها بك وعمري صار عنوانك
امشي معك كيف ما ودك تمشّيني
مرسوم لك وأجمل الألوان ألوانك
يا عذبة الصوت معك الله معميني
عن شوف غيرك عساني فدوة احزانك
لا تستحين اقربي ناديت لبّيني
(حذف)
عشان ألبيك لا صرتي تناديني
يـاللي احس اني مسمّى على شانك