يعني إيه تطبيق شريعة؟!في نظر المتشددين و اصحاب الافق الضيقة



يعني إيه تطبيق شريعة؟!
يعني في مسلم وكافر
يعني إيه تطبيق شريعة؟!
يعني في ذمي وجزية يديهالنا وهو صاغر
يعني إيه تطبيق شريعة؟!
يعني نتقسم لحر وعبد والأنثى اللي فالآخر
يعني إيه تطبيق شريعة؟!
يعني ممنوع يا حريمنا واحدة فيكم تبقى ناظر
يعني ممنوع يابناتنا واحدة فيكم لو مافيش محرم تسافر
حتى لو من شرق طنطا للقناطر
يعنى تضرب في الجماعة واهجروهن في السراير
يعني تنكح في الجواري طول مافي صحة وقادر
يعني طفلة فى لفة تتجوز وتطلق ومايضرش تكون قاصر
يعني يمشي في إيده فلكة؛ لجل تفتيش الضمائر
يعني يهدم في الحضارة يعني ينبش في المقابر
يعني ممنوع الضرايب والجمارك والدفاتر
يعني نقفل في المصارف والقروض ممنوع يا"ناصر"
يعني شيل قرشك في فيصل حتى لو خموك ياشاطر
يعني ممنوع المعسل والمملح والسجاير
يعني تتحول لأفيونة وهروينة ونشادر
يعني ممنوع المقاهي والمسارح والمساهر
يعني ممنوع الرياضة في المدارس والمراسم والموسيقى والمزاهر
يعني اعمِل مابدالك، بس إياك أنْ تجاهر
يعني أوعى في يوم تفكر، أو تناقش ، أو تحاور
يعني ماتفكرش تبدع؛ لاحسن البدعة ضلالة وخسائر
يعني من يرتد يقتل؛ أصل في خروجه مخاطر
يعني نغتال كل معنى، وكل تغريدة ومشاعر
يعني على مصر السلامة والندامة والشوادر





د/ مجدي حسين

استاذى الفاضل اهنيك على القصيدة من الناحية الشعرية والادبية
ولكنى اختلف معك فى كثير من التفاصيل
وبما ان الاختلاف فى الراى لايفسد للود قضية
اقول ان ماذكر فى كتاب الله وسنة الرسول من محرمات ومباحات فهى واجبة النفاذ
وانت ذاكر بعضها ولكنك تسخر من تطبيقها
ثانيا انت مختزل تطبيق الشريعة فى اشياء محدودة مثل السجائر والزواج المبكر وهذا على سبيل المثال لا الحصر ولكنى اود ان اوضح لك ان الشريعة اعم واشمل بكثير من ذلك فعندما ينادى البعض لتطبيقها فهو ينظر الى ابعد من ذلك بكثير ويكفى رضا الله سبحانه وتعالى
وفى النهاية احب ان احيك على ان اهنيك على القصيدة من الناحية الابداعية واختلف معك فى كثير من المضمون

يعني ايه تطبيق شريعة
يعني ترجع تبقى ريس
مش عايش لاجلن تهيس
يعني ربك
اللي حبك
واللي خلاك عايش كويس
يبقى واخدك من طريق النار ياشاطر
لاجل تفضل وياه تتاجر
لاجل بنتك مش تبقى سلعه
ليل نهار ماشيه قالعه
لاجل اللي بيتاجر فى دمك
غريب ولا ابن عمك
مايكلها والعه
*************************8
يعني ايه تطبيق شريعه
يعني فيه مسلم وكافر
وكله له حقه يا شاطر
ماحدن على رأيه نصادر
والست امي وامك
همها راح يبقى همك
لو تفديها بدمك
ربك ليك شاكر
********************
يعني ايه تطبيق شريعه
يعني ستتنا مصونه
مش معارض لحوم رخيصه
للي نفوسهم رخيصه
بنظرة ابدا مش سريعه
والنتيجة دوما مريعه
ماتسافرشي بدوني آه
لاجل لو أضحي بحياه
لاجل متنجى
تبقى دي هي الشريعه
**********************
يعني أيه تطبيق شريعه
يعني اللي عايزه ربك يكون
والخئون
اللي خايف
واللي شايف
إن خيرها في غيرها يا با
يبقى م الديابه
اللي عايز مصر غابه
والخيابه
أنه غاوي خلاعه
ياهلترا يرضاها لامه
اللي عالت مره همه
اللي ماتت لاجلن تعيش
ولا أخلصك كله تبكيش
الشريعه جميله جدا
لما طرقنا بيها تدن
كل مافيها أحسن
م اللي عايزه أخينا

يا اخي الفاضل لابد من انك ناقم على الدستور المصري
نحن كمسلمين لابد ان نطبق الشريعة
ومن خلال حديثك انك لم تتطلع على الدستور وهذا واضح جدا في كلامك وانت تسخر من الشريعة يعني انك مسيحي او علماني وفي كل الحالات مصر دولة مسلمة ولابد من تطبيق الشريعة الاسلامية
واريد ان اوضح الشريعة الاسلامية ستطبق في جميع انحاء العالم ليس شرطا ان يدخلوا الاسلام ولكن بدافع الضرورة لا يوجد اروع واعدل من الشريعة الاسلامية
يا اخي اذا كانت الصين طبقت قطع اليد على السارق فماذا يعني هذا
لا تسخر من الشريعة وعذرا على كلماتي ان لم تعجبك ولكن الساكت عن الحق شيطان اخرس