يسعدني أن تكون هذه أول مشاركة لي وأتمنى أن تنال استحسان الجميع
وقد كتبتها في ليلة باردة في مدينة (الطائف) السعودية ..
ليل وبرد
والريح تصٌفر في دارٍ خاويه
برق لمع
جالس على ذاك الرصيف وانتظر
حاضن جروح نازفه
والموت يمشي بالشوارع يحتضر !
ناظرني ابعينه وانا
منه ارتجف
أبي يرسم نهاية هالعنا
خاطبته قائلاً
قلّي بربك وش تبي
وش تنتظر
خذني تراني بحتضر
امسك بروحي شدّها
من كلّ عرق سلّها
عهدن علي ما قاومك
خذني معك من هالدروب الموحشة
خذني معك
يمكن معك
ما اسمع اوجاع الرصيف المنتظر !!!
اااااااااااااه ليل وبرد
ليل وبرد فيها المطر
مير المطر ما يروي اعروق الشجر!!
ليلة كدر
فيها القمر ما لاح نوره بالسما
وآنا احتضر
والموت ما جاه الأمر يغلق فمي !!
قال انتظر
باقي عنا
وآنا أصيح ابداخلي
الله لنا
اااااااااااااااااااااااااااااا اااااااه ليل وبرد
ليلة برد
فيها الشوارع خاويه
فيها الذيابه عاويه
فيها ترانيم الحزن
تعزف لحن
من عزفها هاضة جروحٍ داميه
ليلة برد
فيها السما متكدّره
ونجومها متخفيه
ليلة برد
وارياحها كسرت شموخ الشجر
ليلة خطر
تزفر زمهرير ابخافقي
والروح في سجنها امكبّلة
وين الدفا
وين الوفا
وين الغرام اللي غدا مطعون بيدين القدر
آآآه
ليلة برد
"ليلة برد
"
كانت حلم
وكان البرد
يزيد دموعي النازلة
كان الوعد..
همس وأمل
ونبض الوعد
مثل الحمامة الهادلة
اااااااااااااااااه ليل وبرد
"ليلة ألم"
عيا الدفا فيها يجي
وصوت البرد
رغم الحزن
وقعه شجي
"ليلة غياب"
ليلة تكون العاصفة
وسط الظلام
وسط الغمام
بين الدفى وسط البرد وفعايله
آآآآه ليلة برد
بقلم / القرشي
2012-10-30, 07:16
