مائة مثل شعبى

1-الإبرة إللى فيها خيطين ما تخيطش تعليق / المثل قريب من المركب اللي
فيها ريسين تغرق
2- ارميه البحر يطلع في بقه سمكة
3-إللى عاوز تحيره خيره
4-إللى قرصه الثعبان يخاف من الحبل
5-إللى يربط في رقبته حبل ألف من يسحبه ( يجره )
6-إدينى عمر وارميني البحر
7- كل فوله ولها كيال
8-إللى على رأسه بطحة يحسس عليها
9- ابعد عن الشر وغنى له
10- الكتكوت الفصيح من البيضة يصيح
11- إللى حبه ربه واختاره جاب له حاجته لعند داره
12- قيراط ملك ولا فدان شرك
13- قال يا جحا فين بلدك قال إللى فيها مراتى ومفيهاش حماتي
14- أمشى عدل يحتار عدوك فيك وأمشى عوج يحتار صديقك فيك
15- مش كل مرة تسلم الجرة
16- لف سنة ولا تخطى قنا
17- يخاف من الخنفسة ويلعب بالثعبان
18- كل ما يعجبك والبس ما يعجب الناس
19- يادى الشيلة يادى الحطة روحت على جمل وجيت على قطة
20-اللوح قال للمسمار أنت فلقتنى ,
قال المسمار لو كنت تعرف الدق إللى فوق دماغي كنت عذرتني
21- خد الأصيلة ولو كانت على الحصيرة
22- ما يغرك رخصه ها ترمى نصه
23- خنفسة شافت ولادها ع الحيط قالت دا لولى ملضوم في خيط
24- زى المش كل ساعة بوش
25- الغايب مالوش نايب
26-الفاضى يعمل قاضى
27- بصلة المحب خروف
28- الحلو ما يكملش
29- جه يكحلها عماها
30- طول مابن آدم حي رزقه جَىّ
31-مطرح ما ترسى دق لها
32- الضمانة أولها شهامة وأخرها غرامة
33- قول في وشه ولا تغشه
34- إللى ملوش خير في أهله ملوش خير في الناس
35-الرجل تدب مطرح ما تحب
36- الصيت ولا الغنى
37- العبد في التفكير والرب في التدبير
38- العرق يمد لسابع جد
39- العين بصيرة والأيد قصيرة
40- بيع الجمال واشترى خفة الجمال كثير بس الخفيف صدفة
41- وقت القصعة نبقى تسعة ووقت الحاجة نبقى وحادى
42- إللى من دمى ما يخلى من همى
43- إللى يسعدها زمانها تجيب بناتها قبل صبيانها
44- اكنس بيتك ورشه ما تعرف مين يخشه
45-المال السايب يعلم السرقة
46- ابن الوز عوام
47- باب النجار مخلع
48- حبيبك يمضغ لك الزلط وعدوك يتمنى لك الغلط العروسة للعريس
والجري للمتاعيس
49- إن عيط ابنك عيط معه ما تعرف إللى بيوجعه
50- إن خوفت ما تقولش وإن قولت ما تخافش
51- إللى يخاف من العرسة ما يربيش كتاكيت
52- إللى يبيع يغتني سنة واللي يشترى يفتقر سنة
53- قالوا للكاتب أستريح قام وقف تعليق / أي إن الراحة تكون حسب أحوال
الشخص
54-إللى يعمل إيده مغرفة يصبر على ضرب الحلل
55- قال له نام لما ادبحك قاله دا شئ يطير النوم
56- إن اصطلح القط والفار خرب دكان البقال
57- من كثر خطابها بارت
58- طمعنجى بنا له بيت فلسنجي سكن له فيه
59- إللى تخاف منه ما يجيش أحسن منه
60- يا قاعدين يكفيكوا شر الجابين
61- إن عشقت اعشق قمر من بره هالله هالله ومن جوه يعلم الله
62- الجواب ينقرا من عنوانه
63- يا واكل قوتي يا ناوى على موتى
64- إللى ما لوش شغله تشغله يفتح الباب ويقفله
65- الله يخليكى يا شدة يا لى بينتي دا من دا
66- عمر العدو ما يبقى حبيب وعمر شجرة التين ما تطرح زبيب
67- يا فاحت البير ومغطيه لا بد من وقوعك فيه
68- أن غاب القط العب يا فار
69- عشان الورد ينسقى العليق
70- نايم في المية وخايف من المطر
71- قال يا جحا عد أمواج البحر قال الجايات اكتر من الرايحات
72- الجار جار ولو جار
73- تموت الحداية وعينها في الصيد
74- بعد العيد ما يتفتلش كحك
75- لا تعايرني ولا أعايرك دا الهم طايلنى وطايلك
76- اصرف ما في الجيب يأتيك ما في الغيب
77- قد النملة ويعمل عملة
78- قليل البخت يلاقى العضم والكرشة
79- إللى يجى في الريش بقشيش
80- إللى يعمل نفسه ردة تنكشه الفراخ
81- إن كان لك صديق وبدك تبقيه لا تاخد منه ولا تديه
82- البنت ضرة أمها
83- دخانك عماني وطعامك ما جاني
84- خذوا فالكم من عيالكم
85- لا تذم ولا تشكر إلا بعد سنة وست أشهر
86- افتكرناك يا ضيف خفيّف , لقيناك يا ضيف تشتي وتصيّف
87- زى الطبل صوت عالي وجوف خالي
88- اللي اختشوا ماتوا
89- تيجي تصيده يصيدك
90- ضربتين في الرأس توجع
91- ما شتمك ألا اللي بلغك
92- ما ينوب المخلص إلا تقطيع هدومه
93- ميه من تحت تبن
94- عمر الشقي بقي
95- يسرق الكحل من العين
96- الكذب مالوش رجلين
97- كلمة يا ريت ما تعمر بيت
98- لا منه ولا كفاية شره
99- اللي في الحلة تطلعه المغرفة
100- يشتمني في زفة ويصالحني في عطفة
101- السلف تلف والرد خسارة
102- البيت بيت ابونا والغرب يطردونا


اعتذر ولكنها أمثال شعبية فكان لابد أن تكتب بالعامية


تحياتى لكم

شكرا لك أستاذ جلال

شكراً للسابقة ردودهم ؛ الأساتذة أحلام لسانية وولاء سعد ونعيمة مصطفى والأخ الحبيب عبدالسلام كنعان .
تقبلا تحياتى