دردشة

ده شات ده ولا مسخرة
يا هل الأصول والمفخرة
يا شاب ليه يبقى قفاك قدّام وعيونك ورا
ده سؤال محيّرني وايه اللي جرى
العقول دي في الدماغ يا ربي ولا منظرة
ده شات ده ولا مسخرة

يلا اسمعوا لب الحكاية واحكموا
مرة دخلت الشات وفـ النيّة ثقافة
فرحت لما لقيت بنات وشباب آخر لطافة
يبدا الحديث بهالو ونتعرف وأهلاً بالقيافة
وبينتهي كله بقلة أصل واللهِ وسخافة
ده شات ده ولا سلطة يا خسارة وحسافة

ده شات يا ناس ده دردشة
أصله أدب أصله علوم أو فرفشة
أصله تعارف بين دول مش نكوَشة
أصله تلاقي بين عقول مش حشحشة
ليه البنات كده فيه قوي متلطشة
ليه الشباب متنعكشة
إباحية يعني الدردشة ؟!!

اعذروني أصلي محبش العوَج
وتعبت ولساني التوَى
ودعيت لربي يعدل الدنيا ويهدي اللي خرج
عن دينه عن أخلاق رسوله يا خلِق
ده شات ولا مسخرة
يا أهل الأصول والمفخرة

يلا قوموا صلوا صوموا
وادعوا رب الكون تكونوا
أمة صالحة أمة فالحة
أمة العلم المفيد
أمة الأدب المجيد
قلبك حديد عملك سديد
اصحوا كفاية مسخرة
ده شات ده ولا ... ؟؟!!


ولاء 1-2-2011م