غلبت أأقطع تذاكر
وشبعت يارب غربة
بين الشطوط والبواخر
ومن بلادنا لأوروبا
هتف بي هاتف وقاللي
أنزل ومن غير عزومة
أنزل دي ساعة تجللي
فيها الشياطين في نومة
أنزل ده ربك تمللي
فوقك وفوق الحكومة
خطيت في ستر المهيمن
للشط ياحكمدارية
وأقولكم الصراحة
اللي في بلادنا قليلة
عشرين سنة في السياحة
وأشوف مناظر جميلة
ماشفت ياقلب راحة
في دي السنين الطويلة
إلا أما شفت البراقع
واللبدة .. والجلابية

( بيرم التونسي)